第一次拍大台劇,Mico話最難忘係第一日拍劇,一句廣東話都聽唔明,要人逐句逐句幫手翻譯,喺台南拍劇時,又試過遇到超強颱風,當日工作人員都好辛苦:「蠻難忘呀,遇到大颱風,他們(工作人員)要用大把傘在跑來跑去,真的很佩服他們。」

正宗台妹張瑋純(Mico),喺大台劇《不懂撒嬌的女人》靠一嗲二冧三哭,成功KO來自香港嘅唐詩詠。據知,嚟緊劇情Mico將會由台南殺到嚟香港,仲會周旋喺表哥王浩信同「賤Han」黎諾懿中間,兩邊都有感情線。

問到Mico現實中會揀邊個,答案竟然係出人意表!Mico話:「其他女生一定會選擇表哥,呵,你也會選他吧,賤Han就是很賤,但是他有一個特質,就是他蠻幽默的,他的幽默會讓人很開心,幽默就是讓女生開心,因為人活着就是好開心喔,哈哈哈,我就是看到他吊兒郎當裡,有一絲絲的真性情,我是會選賤Han呀。」Mico嘅答案認真估你唔到。

身高5尺6吋,體重唔夠100磅嘅Mico,閒時熱愛做gym同做運動,對自己屁股很有信心,Mico表示:「我覺得我的屁股很翹,是因為做得運動多,因為地心引力很恐佈,你沒有keep住,就會墮呀,真的很恐佈。」

 

    全站熱搜

    ihg47039 發表在 痞客邦 留言(0) 人氣()